ماتسيبنيش للشاعرة سهام ماجد
@ماتسيبنيش@
$★$★$
خليك جنبي .. ماتسيبنيش
وبقــربك ليا .. ماتحــرمنيش
دا انت غيابك .. عني نهايــه
وإزاى بعدك ... قلبى يعيش
*****
إزاي هقدر ... أبعد عنك؟
وانا قلبي ... عايش على نبضك
أو فيوم ... تخاصمني واخاصمك
ياللي ملامحى .. بايديك اترسمت
****
من ورا قلبي ... هعمل نسياك
وانا روحي ... عاشقة بتهواك
وان جيت يوم... عنك تسألني
راح أقولك ... موتني جفاك
أصل القلب . دا زي الوردة
تسقيه حب ... تجني موده
ليه القسوة واخدها قانون؟
بالحنية .... قلوبنا هتهدى
لكن القسوة .. دي زي النار
تحرق تكوي .. تزيدها شرار
لازم نفوق .. ونراجع روحنا
قبل حياتنا .. ما تبقى دمار
بقلمي
سهــ ماجد ــام
الرقم الاتحادي:489
مرسلة بواسطة سهام ماجد @ يونيو 09, 2026
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية