عاشق في المنف للشاعر راضي السقا

 @ عاشق في المنف  @

دموع العين تحرق جفن علي وجع مش بيخف 

لقيت السبع سواقي لف .....وأنا ع الدنيا بتف 

الهجر مر والحزن علينا هف والفرح عنا كف 

والنفس  ع  النفس..... أه  ياناس ليه  تعف

 في أول طابور العشاق واقف مستني في الصف 

سمعت إسمي تعالي ياللي هناك واقف أول الصف 

أحكي ياعم حكايتك...... علي صوت الطبلة والدف 

حبيبي ظلمني وقال كلام يخلي العقل يخف

قال عشقت والعشق عندي يا عيني محلك قف 

راح يهجرني وعني يخف وعلي أيامي يتف

شاف المرار مني..... وكل يوم مع غيره بلف 

كلمته وفهمته أنا نفسي في ليلة عليه أتزف 

ولا  عامل حساب لحبي ودائما ركني ع الرف

بتكلم معاه يقولي لحظة مع خمسة أصابع كف

يروح ويرجع بكلام جديد كيف الريح عليا تهف 

وأدخل حوارات وحكايات وريقي معاه يجف

والشماعة سؤ فهم وشريط الكلام منا يسف

نقاضي بعض والحق ضاع بينا ياعم عني خف

دنا لفيت السبع سواقي عشان خاطرك كثير لف

لعنت الدنيا وقولت منها أنا راحل وعليها أتف 

تقوم أنت تظلمني وترميني أخر الأرض في المنف 

راضي السقا