كتب الشاعر توفيق بومدين لمنتدى المحيط نص بعنوان هالني حالك يا الهاملو

 هالني حالك يا الهاملو 

يا المسوق سلعة الغير 

شوف حالك آش شاغلو 

وعلاش ما لقى تيسير 

نسيتي تاريخ جدودك وبقيتي تأولو

وصبحتي كيف داك الطير 

للي نسى مشيتو وما بقى يعرف والو 

حتى صبح قصة ما عندها تفسير

ضحكو على مجادك وعليهم تطاولو 

وللي بصمو معاك منهم الكثير

ضحك عليك الزمان حتى شاطلو 

عجبك الحال وخدْمك بندير 

شطحك على هواه كيف رشقلو 

ولا شي نهار خلاتك الغيرة تغير 

تْـرٓجّٓـع الحال لحالو

 وتعرف ما تدير

تقول ليهم راه الناس فحالي قلالو 

ومزال فالدنيا الخير

هالني حالك يا الهاملو 

يا المخدر تخدير

 يا التابع الشيطان ففعايلو 

وكيف مّٓا سيرك تسي

ر

       توفيق بومدين