الله الله عليك بقلم الشاعر سعيد الجدي الادريسي

 الصنعة

Saïd alajdi el Idrissi

الله، الله

عليك يا الصنعة

اللي قالو عليك 

زين و روعة

قالو عليك

انت عز و جاه

انت، يا سلام، عزوة

انت غنوة

انت ثراء و شبعة

انت الا مغنيتي الواحد

ايه، تعيشيه مكرم و سامي

يعني، يبقى وجهو ابيض

غير مخصوص لعبد شماثة

زعمة، يظل وسط الناس

اسمى رفعة و شنعة، بل منعة

الله، الله 

عليك، يا الصنعة

اشحال، قالو عليك

ايه، من كلام يرد الروح

كلام كبير و كثير روعة

انت، يا الصنعة

مرشانك جد عالي

انت، لا نظير ليك، يا غالية

يا عطية المنان و احلى سمعة

حيث مال الجدين يفنى

و حيث صنعة اليدين

راها تدوم ملعلعة و لوعة

الصنعة شريفة

تشرف صاحبها و ترفعو

تجعلو غني النفس و غير متواكل

بشرط، يكون معاها شريف

معلم، ما فيه ضعقة 

الا فيه اذغل و الاحتيال

واليد البطالة و لكذوب ...

يعني التجوعيف و قلة العفة

مشى فطريق كلها فجعة 

كلها الف وجعة و وجعة

الصنعة، بهاذ الاوصاف

يا وايلي، تكون عليه لسعة 

تكون عليه رزية و نطعة

اصفى، يا الصنايعي مع الصنعة

اصفى مع ملهم الصنعة

تمشي بعيد و تكون من الصفوة 

مع الله في الرزق و الفضل

ايه، و بكل فخر و بسرعة

الله، الله 

عليك، يا الصنعة

اللي قالو عليك

كلو نخوة و حظوة و روعة

شوف، اشحال من نبي

اشحال من رسول و صحابي

اشحال من علامة و فقيه

كانو و نعم الصنايعية

فازو بمرضاة الله، زين العطية

نالو اطيب و ارفع سمعة

حصلو و لا على اروع سطعة

بالمختصر المفيد

رحم الله من عمل عملا و ابدعه

من صنع صنعة و اتقنها لوعة

راك من الاخيار عند الله

راك عبد مبرور و اغلى دمعة

الله، الله

عليك، يا الصنعة

اشحال قالو عليك

من كلام يغني الجوعى.

بقلم سعيد الجدي الادريسي

16/05/2023