قطعية الحب ... للشاعر عامر عبده عامر

 قطيعة الحب

اقول لك ع اللى فى قلبى

أقولها بكل صراحة

حبك زود غلبى

ما لقتش فى حبك راحة

بالغلب خلاص أنا راضى

بس عنيك دباحة

نظرتها تزود ناري

روحى فى هواك سباحة

و البحر ملوش مراسي

أسهر و عنيك مرتاحة

نفسي تدوق من كاسي

أغيب الليل بطولة 

و الصبح دايما ناسي

أدور ع اللى أقولة

مفيش و لا كلمة فى راسي

راح الكلام كلة

يا خسارة سهر الليالي

قطيعة الحب و ذلة

كان مال الحب و مالي 

الشاعر /

عامر عبده عامر مصر