ناس ودنيا ..... للشاعر غريب حسن

 ناس ودنيا

في ناس تلمحها طيف تسكن جواك سنين

وناس تعدي خفيف كانهم غمضة عين

وناس تبني قلوب وناس تهد كأنه طين

وناس ويا الحروف تكتب كلمه وتسيب جرحين

وناس تسكن خيالك مهما طال البعاد

وناس تمحي ملامحها وتنسى اي ميعاد

وناس عمرها ما تهون وناس تدقها في الهون

وناس تضحك فـ وشك ووجعها من جوا مدفون

وفي العيون حكايات وحكايات

عيون فيها الحنين

وعيون زي السكات مفيهاش غير الأنين

وعيون فيها الدفا

طالع منها الوفا

وعيون لونها فرح وعيون لونها ملام

تعتب وتقولك

كفايه حرام

وعيون فيها الغدر جاهز

تسأل نفسك

ممكن يعملها

ايوا جايز

وعيون لو دخلتها تضيع فيها سنين وسنين تعيش جواها حلم

بفرحه وفرحتين

في ناس لقاها دعوه حلوه ادعتلك مَره

وناس تشوفها

تبقى حياتك مُره

وناس وشها بيبان 

مهما خبى 

أصل يا صحبي 

الوش مرايه

ب

يكشف المستور

من ورايا

#غريب_حسن