أوقات للشاعر راضي السقا

 @ أوقات @

أوقات بتوه عن نفسي وأسال نفسي أنا مين 

سؤال بلا معني مالوش أجابة على مر السنين

 ناس جات الدنياعاشت وماتت والأسم بني ادمين

لا عمرهم سألوا ولا فكروا ولا حتي قالوا إحنا مين

دنيا ومكتوبه علينا نعيشها بالرضا أو مغصوبين 

أيام بنعدها وسنين بنجمعها ليوم اللقى المبين 

واقعين في حفرة عميقة ومنها مش طالعين 

محتاجين نعرف إحنا ليه وليه على الأرض عايشين 

نقف أمام المراية نتحقق من ملامحنا فيها تائيهين 

علم علينا الزمن وقال كل البشر عليا مش قادرين 

سلمنا الراية وراح يجيء علينا يوم منها خارجين 

وبرضه كل منا راح يسأل نفسه ويقول أنا مين 

ولا يعلم الأجابة غير صاحب الروح رب العالمين 

راضي السقا