حصيرة الصيف للشاعر محمد سعد شعبان

 حصيرة الصيف... 

حصيرة الصيف يانأس واسعة 

ومافيش احن من ليله

فقير نايم كده براحته

شقيان وراضى بقليله

يصحي الصبح من النجمه

على شغله ويرفض حد يديله

فانله بس يلبسها وجنز قديم

ويمسح عرقه بمنديله

يوم العطله يتمشى على  

البحر يفضفضله ويحكيله

اما الشتا ياناس جبار

ماحدش فاته تنكيله

بيوت ياما كده وقعت

وناس فى الخيمة تشكيله

لابس الدولاب كله

مريض الناس بتدعيله

يارب الحمد ليك دايما

فى عز نهاره وفى ليله

بقلم باحث د محمد سعد شعبان.