الشاعر حسن الشوان .. و بجد بحذّرك

 ......... بجد بحذّرك ..........

بجد بحذّرك  وبلفت نظرك 

وبنذرك  مش  تحت أمرك 

اللى فات بقا من الذكريات 

ومبقاش لك وجود بفكرك

ولا عايز اسمع عنك حكايات 

ولا اعذار ولا حتى تنازلات

ولا تسامح  فى  اللى  فات 

ولا تقول  تقابلنى لأخر مره

اللى راح انتهى فى البلكونه 

حتى  ازهارى  دبلت فى الربيع 

دموعها خلت عيونها حزينه 

وخدودها إتجرحت من الدموع 

وانت شوفت بعينك الزينه

لما اتبحترت م قسوة الموضوع 

وبقيت ذى ما انت قاسى

ايام طويلة عشتها  بقاسى

لحد ما كتبتها  فى كراسى

وكان كل حرف فيها موجووع

بحذّرك واخر مره اقولك تحذير 

كل محاوولاتك ملهاش لزمه

لأن المرادى قرارى هو الأخير 

ومعنديش استعداد اسمع كلمه 

وكفاية ربيعى اتحرم من الزهور 

ولا قلبى يتحمل م تانى صدمه

........................................

...... د . حسن الشوان 🇪🇬 ......