الشاعر صبرى عبد الواحد الحسانى و .. نقول ايه تانى ..

 نقول ايه تانى

كلمات شاعر بني هاشم 

الشاعر صبرى عبد الواحد الحسانى 

            نقول ايه تانى 

سقط القناع

             واتعرفت خلاص الحقيقه 

وعرفتم مين العدو

              ومين اللى ليكم صديقه

الرد ممكن يكون

              بمليون طريقه وطريقه

مش لازم تدخلوا حروب

              معاكم اخت شقيقه

لكن المواقف تبين

               النية والعلاقة العريقه 

مقاطعة وعدم استثمار

               فى بلاد خلتكم فى ضيقه

وإلايد فى الإيد نخليها 

               وننقذ اللى منا غريقه 

واللى مايل فينا نعدله 

               واللى عطشان نبل ريقه 

سقط القناع يا عرب

               وظهرت خلاص الحقيقه 

وعرفتم مين العدو

                ومين اللى ليكم صديقه