الشاعرة زينب الرفاعي و ... أنا البطل ...

 ،،،،أنا البطل ،،،،

أنا اللي كنت واقف 

هناك على القنال 

فارد إيديا واخدِك 

في حضني وقت القتال 

أحمي أرضك بدمي 

يا سينا أنتِ حته مِني 

كل رمله فيكِ دهب 

واللي لمس ترابك شاف العجب 

وإسألو كل الأبطال 

ما هو أنا البطل 

إللي روى الأرض بدمه 

وعلى أكتافه شال 

لأجل عيونك أهد جبال 

يا مصر يا ام الرجال 

وقفت زي الغول 

وأكلت العدو أكل 

خليته  يقول 

هنا واقف جنود زي الأسود 

حبك يا بلادي 

إتعلمته من جدودي 

أحمي بلادي و حدودي 

و أعلمه   لأولادي 

إللي يقرب من مصر 

أمحيه من الوجود 

      بقلمي 

 زينب الرفاعي