رمضان كريم للشاعر إسماعيل عبدالراضي

 

رمضان كريم....

ربوا عيالكوا الناس تعبانة 

مش مستحملة  كُتر كَلام

شباب سَهرانة لخمسة الصبح

موتسيكلات  وعجل  وزحام 

رمضان يعني  صلاة وصيام

يعني مساجد  تكون مليانة 

يعني  صلة  أرحام   وقيام

رمضان يعني إمسكلك مصحف 

خلص  جزئك  تبقي  تمام

مش بومب وصواريخ ومدافع 

وقهاوي  وبلطجة  وأفلام 

ربي إهدينا وإهدي أولادنا 

علشان  نرجع  زي  زمان

ويرجع رمضان تاني يجمعنا 

بحب  وود  وخير  وسلام......

               إسماعيل عبدالراضي