مصنع رجال للشاعر محمد عاشور

 مصنع رجال

بمناسبة ذكرى العاشر من رمضان

شعر/ محمد عاشور

إنتاج المصنع رجاله 

دى وحوش بريه و بحرية 

و نسور ف الجو 

و تاريخ فرعوني 

بيخلد إنجاز أجداد 

مينا و توحيده لبلادنا ف شمال و جنوب

و ف أحمس حدث و براحتك مرفوع الراس 

أحمس و شجاعته الجباره

طرد الهكسوس

ف مجدو تحتمس  بيسطر  أروع إنجاز

حملاته عظيمة و ف أسيا كسر الطغيان

الحيثيين شمو نفسهم ع المصرين  

 رمسيس التانى أدبهم

 أروع تاديب

 و ف قادش وبكل القوة كسر العدوان 

و معاهدة عظيمة كات الأولى فى تاريخ الناس

ونبينا محمد ف حديثه وصى الأصحاب

 على  مصر و ياخدوا جيوش ياما 

 خير الأجناد 

و تاريخنا اتسجل وبعظمه  بإيدين الأبطال 

وصلاح الدين الأيوبي صفحات من نور

 لما ف حطين المشهورة كان فيها منصور 

والاستعمار المتوحش جوه فلسطين 

و الصلبيين جم بشراسة من كل مكان

   راكبين البحر وأمواجه والارض كمان

 على رأسهم مين جاى لبلادنا ؟

جاى لفلسطين

 ريتشارد  فرنسا و ألمانيا و لا هامه جيوش

جاى قلب الاسد البريطاني  ومعاه الموت

وأروبا بحالها مع  ريتشارد بيهزوا الكون

هاجمين ع القدس العربية وبكل جنون 

وصلاح الدين كان مستنى و المولى معاه  

فرسان المعبد مع ريتشارد لابسين الذل وخاضعين

ف الاخر خد جيشه وروح والعار  وياه

و لويس الناسع من بعده جاى ياخد التار 

   ف الجولة الأولى ف دمياط 

 طار م الافراح  

زاحف بجيوشه الجرارة  و بكل عناد 

لكن المنصورة كانت جاهزه له بالمرصاد 

و لشجر الدر بحكمتها   و معاها الجيش 

عز الدين ايبك بعزيمته و ومعاه أقطاى 

  والحمله المنكوبه بتهرب  و ف كل مكان

 ولويس مزهول م اللى بيحصل 

واقف حيران

 كان جيشه مطارد فى بلادنا 

يا قتيل يا  اسير 

 لقمان دار ابنه كانت شاهده على أسر لويس

والعالم كله بيتفرج على ذله هناك  

ف الأسر مشرف  بمهانه و بكسرة عين 

و طواشى صبيح ع الباب  واقف  مرتاح البال  

ملحمة العين الجالوتية فاقت التفكير 

القائد قطز المملوكى  قضى  ع  الأساطير

زى الاسطوريه التترية سفاحى العصر 

 واقف و بيصرخ ف جنوده 

وا إسلاماه 

والظاهر بيبرس ف ضهره 

 بيصول و يجول

وانكسر التتر الملاعين  

و بفضل الله 

و فريزر كان جاى ف حملة 

وعنيه على مين ؟

على أم الدنيا المحروسه بكتاب الله

لكن ف رشيد فيه رجاله كانو منتظرين

نصبو له الفخ بحرفيه و بكل هدوء 

  فكر بعظمته و جبروته

 حيدوس الناس  

ماشى بيتمختر ف الشارع و بكل غرور

و ف لحظه انقضوا على جنوده من كل مكان 

بقا يجرى و جيشه  

وراه يجرى

 و يقول يا فكيك

 و بتيجى علينا سنين صعبه 

والأمر رهيب

والحسرة كبيرة ف  بلادنا ف سبعه و ستين 

وهزيمة شديدة  كانت قاسية ع المصريين 

والجيش المصرى و بسرعه نفض الأحزان 

نظم ف صفوفه ورتبها و الرب معاه

والاستنزاف حرب ضروسه خاضها بتصميم  

  عملية بتيجى ورا التانية

و السبت حزين 

و المجموعه 39 عملت أمجاد 

دى كماين محسوبه بدقة و ف كل مكان 

بتصيد ف الجند المزعورة وبكل ثبات     

و رفاعى الصاعقة المصرية بينقى أسود 

 ضرباتها بتوجع وتحطم جيش الاعداء

 ف   أرض الفيروز  الغاليه و ف جيل الطور

عبعاطى يصيد الدبابة و ف لمحة عين 

ومعاه المصرى بيسابقه وبكل نظام 

يفرد صواريخه على الرملة  يستنى الصيد 

و النسر المنصورى المصرى  طايح بثبات 

بيصيد الفانتوم بجسارة بطيارته الميج 

 و للا البحرية المصريه كلها أمجاد 

  وميناء إيلات اللى ادمر والنار ملياه 

و دفاع الجو بجبروته

 عمره ما بينام

والايد الممدوده اتكسرت بالشر هناك

   صواريخ السام المصرية كات بالمرصاد

  واليد الطولى اهى اتقطعت وبفضل الله

ومحمد أنور بيخطط و الشاذلى معاه  

و الناس فرحانه و بتغنى وتقول ياسادات 

عادت أراضينا بالعزة و الدم يهون  

و الأيام ديا الجيش كله بقا ملو العين 

  و الكل بيعمل له حسابه صغير و كبير 

صواريخ و مدافع منشورة و ف كل مكان 

طيرانه يشق السما فجأه

 و عيونا عليه 

ووحوش الصاعقة  المصريه بتنط النار 

ف الصحرا يعيشوا و يتعايشوا و ياكلو التعابين

   و يارب الكون احفظ جيشنا 

ما تقولو امين

ويارب الكون

 احفظ بلدى

ما تقولو امين