ليكي بعلن إنسحابي ... للشاعر عصمت لملموم
ليكي باعلن انسحابى
$$$$$
انا باعلن انسحابى
عن حبك الكبير
وبقدملك تنازل
عن قلبى اللى بضمير
وهاأسجله باسمك
واللفه بالحرير
واقول مليون وداع
وارشه بالعبير
ومش هاحزن عليه
لكن هابكى بضمير
وهاسيبه جوا قلبك
حتى لو كان اسير
ماهو اصبح حته منك
ولاشاف لهواكى غير
واليوم هايخش قبرك
وكأنه عش طير
وهاقوله مع السلامه
تعظيم سلام كبير
مع احلى ابتسامه
للي حب بضمير
$$$$$
عصمت
#Esmat Lamlom
$$$$$$$$
$$
مرسلة بواسطة Rady Elska @ مارس 15, 2025
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية