ما عدش الآمر .. للشاعر أحمد شبل

 ما عدش الأمر 

ما عدش دا سر

كله اتلخبط 

فوق علي تحت

وقت ما تلقي الصح اتحط

فوق ع السقف

واللي تشوفه دا عين العقل

ما يغركش،

وسط الزحمه 

دا حتة قش

وفوق ع الركن،

ما بتصلحش،

زي جريده تشوفها،الصبح

نشفت بعد ما تطلع شمس،

إوعي تفكر ،أوعي تقول

انا راح اصلح انا راح اكون

ولا عاد فايده،حقيقي تكون 

كله شمال ما بيتغيرش،

انصح ،واوعظ هاتي 

لحد الصبح

مش هتلاقي كلامك حق

طول ما الكل بيعشق دود المش ،

وما يهمكش، لو تتلاقي،

الناس بتغش،

اضحك عدي ،وما تنحش،

هي سويقه،والركاب تايهين،

م الفجر،

تيجي توجه تلقي الهبد،.

هو الصح

أراذل خلق ترزي اسيادها

بس عجيبه أنك بتشوفهم،

زي عجينه تدوب ف البؤ،

تيجي ترجع تلقي المر 

تسأل نفسك 

ليه م الأول 

ليه قربت؟!

اه لو م الأول 

كنت بعدت!

لو تكشفها،تبجح،أكتر

وتنسيك كان ايه الأصل، 

غلطة حقيقي ،وليه نغلطها،

تعمل سعر لارخص سلعه،

ليه بتخطي خطاك،

دي سويقه،

عدي ومر اوعاك تتفرج

مره وعدت 

إوعاك تتكرر،

واسأل نفسك

الفين مره

قبل ما تنزل ،مين بيصون 

العيش والملح ؟

احمد شبل