الدور عليكم ... للشاعر الرفاعي الحداد

 الدور عليكم

.

.

بكره جاي الدور عليكم

يللي ساكتين ع الدمار 

ليه خذلتم شعب غ زة ؟!

ليه شاركتم في الحصار ؟!

صمتكم ذل و مهانة

و عار عليكم ألف عار

 

بالخنوع والضعف منكم 

بكره هتعيشوا المرار 

أنتم أسباب الهزيمة

و نكسة من بعد ازدهار

وكل د م يسيل في غ ز ة

وناس بتصحى على انفجار

كل يوم هدم في مشافي

و الجرحى في حالة احتضار

طفل يحضن قبر أمه 

دمعته ما لها اعتبار ؟!

يللي بتقولوا ال م قاو مة 

تسيب سلاحها دا انتحار !

دول ياناس بيدافعوا عنا

وفي المواجهة وسط نار

شعب رمز صمود وعزة

 عمره ما يرضى انكسار 

مهما قالوا كتير عليهم

بكره هيزول الغبار 

و الحقائق تبقى واضحة

ويرفعوا عنها الستار

فوقوا م الأوهام وقوموا

واصنعوا بإيدكم قرار  

ناصروا جند الحق دايماً 

لاجل عزة الانتصار 

والأمان والأمن يرجع 

والخراب يصبح عمار 

وكلمتي

في كل القصايد 

جاي بعد الليل نهااااااااار

بقلم / الرفاعي الحداد