لج أعتذر.... الشاعر عيد خلف حمادة

 لچ أعتذر 

عبد خلف حمَّادة 

::::::::::::::::::::::::::::::::::::::::

مزيونة لچ أعتذر،كل الأسف مني 

زاد العشگ بالگلب،والشوگ جنني 

هذا الغرام الحچى،صدگيني مو آني 

و دگات نبضي ترى،من اللوم يبرنِّي 

سكران آني چنت،وكت إن حچى لساني 

ثگيل خمر الترف،بالحيل دهولني 

قاضي الهوى لو حكم،و يشوفني دايخ 

لُمن يعرْف السبب،أكيد يرحمني

آسف ياعمري أنا،ما چان قصدي آذيچ 

تعرفين إنتي منو،و گديش آني أغليچ

إنتي السلبتي العگل،يا مَية عيوني 

تجرين ويا الدما،و بالروح آني أفديچ

 إنتي الأمل والفرح،وإنتي هلال العيد 

و من بين كل النسا،غيرچ أنا ما أريد 

إنتي النغم والوتر،والگمر بالتحديد

حبچ سكن مهجتي وكل يوم نارو تزيد

و حياة حبنا لبعض،مخلص أنا و رايد

خلينا ننسى العتب،والفرحة إلنا تعود

::::::::::::::::::::::::::::::::::::::::

مع تحيات الشاعر و

الكاتب عبد خلف حمَّادة