حلمت .... للشاعر عبده القاضي

 حلفت 

............

حلفت انا ماهين نفسي ورا الناس

واللي كتب ربي لزومٍ يجيني 

كلٍ كتب رزقه بقدرٍ ومقياس 

ولا هو على كيفي احوشه بيديني

لو عشت وحداني من دون جلاس

هذا يجا ملني وذا ما يبيني

اعيش في ظل المعزه بنوماس 

واعز نفسي لو تطول السنيني  

اعيش في داري بها رافع الراس 

وامشي مع اللي كلهم طيبيني 

لاشفت مالي مع هل الكذب مجلاس

احفظ معزتها بعسرٍٍ وليني 

يا دار لاهبت هبوبك بنسناس   

تشفي غليل القلب في كل حيني  

ما دامني فارقت خبلان وانجاس 

ماهمني هرج القفا يا ظنيني 

✍️ عبده محمد القاضي الرياني ابونبيل