تيجي نكتب للشاعر ... غريب حسن

 تيجي نكتب حكايتنا

نغزل من خيوط الشمس فرحتنا

نلون دنيتنا بالضحكة

ونحفر فوق الزمن كلمتنا

نوعد بعض ما نتفارقش

ولا الحزن يدخل بيتنا

نعيش العمر بحلوه ومره

على وعد يدوم لمتنا

أقسم فرحي معاكي نصين

واخد منك وجع السنين

وأبني ليكي جوه عيوني

بيت من غير دمع حزين

نرسم بالهنا بسمتنا

ونحكي للدنيا قصتنا

نخبي الفرح جوه قلوبنا

ونمشي مع بعض

سكتنا

ونقول هي د

ي

حكايتنا

#غريب_حسن