ايه يابنى اخبارك ايه للشاعر عمرو سلام
ايه يابنى اخبارك ايه
فى الغربة وعامل ايه
مايغركشى اللى احنا فيه
احنا قلوبنا كلتنا عليك
وحشانا صوتك وخناقك
وحشنا دخولك وغيابك
وسهرك وقلقنا عليك
اتكلم قول طمنا عليك
البيت من غيرك مالوش حس
الاكل مبقاش له طعم
امك مشتاقه ليك كتير
بتقول شايلالك حجات
اكلك اللى بتحبه
بس انت متتاخرش عليها
عشان قلوبنا مكويه
دى اول مره تبعد وتغيب
ربنا يسترك ويحفظك يا حبيب
واخواتك بيحبوك كتير
بيقولو وحشنا وعاوزينه
تعالى متتاخرش علينا
تعالى بقا وطمنا عليك
♥♥♥
عـــــــمـــروســــــلام
مرسلة بواسطة سهام ماجد @ أغسطس 15, 2025
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية