الشاعرنورالدين محمد (نبيل) وقصيدة الله يسامحك يازمن

 ((الله يسامحك يازمن))

عاشق رماني الهوى 

قولولي اعمل ايه

والعشق ماله دوا

مافيه طبيب يداويه

بحر الغرام مليان

والكل غرقان فيه

مافيه مراسي ولا

شط أمان تلاقيه

واللي مجدافه الوفا

فى بطن الحيتان تعازيه

شاعر وقال كلامه

على الربابة حاكيه

لكن مين يسمعه

ومين فاهم معانيه 

أمر عذاب  له طعم

حبيب مش عارف تراضيه

تزرع فى الهوى أحلام

وغدر  فى الحصاد تجنيه

رفعت صوت الندا لكن

لاحياة لمن تناديه

لو موج الغرام علا

اوعى ياخال تجاريه

نهايته يلطم شطه

وانت ضحية عليه

هقول كلام اسمعه

ياريت  تعمل  بيه

جرح قلب العشيق

سببه اللي ساكن فيه

زمن المشاعر  ولى

وزمن المصالح الكل عايش فيه

دا حتى إبنك وصلبك

تحتار عشان تخاويه

الله يسامحك يازمن

عايشين فى ايام تيه

قلم/

نور الدين محمد (نبيل)

٢٥/٨/٢٠٢٥