الشاعرباسين نصرالدين و...قلبي اسجننتيه

 قلبي اسجننتيه       

يامن ديتي ڨلبي وسجنتيه.      

لحتيه لثلث الخالي لايرجع

يا من حبك طغى ونسيتيه

شربت مر الـحنظل نـتجرع

لا ڨلتي نبعث كليمة تفاجيه

اداوي حرڨة لفراق  يستنفع

لا ڨلتي حـرام ڨـلبي اديتيه

خليتي فريسة مافيها يـرڨع

الخاطر مهرس لامن يداويه

لا ڨلتي حرام لوصلي طـامع

يامن جوفتي ڨلبي وخليتيه

بريحك سمي نـسماتو  تـلسع

لا ڨلتي دخل بحري وغرقتيه

هايم مدياتو مواجك تتقاطع

لاڨلتي فتحت ڨلبي  سكنتيه

سكنتك روحي و بابها مشرع

لا ڨلتي عشقي ڨاسي يعانيه

يسكنو جني في عقلو يتربع

لا ڨـلتي مسقوم الله لا يبليه

من سـهم رمـشك سنو ڨـاطع

ليلك هاني و انا هـمو نـسقيه

نـشبه فـيك نجوم  هذا واقع

يـستوحالي خيالك نكلم فـيه

قـالو هـبلاتو منها صبح ضابع

نـهترف لـيلي بـاسمك  الناديه

يـحضرلي طـيفها بـزينو شايع

حبك بلية ڨـلبي انت مرضتيه

شـتتيه في عضايا بسمو  ناقع

قلبك قـاسي صوانة كي مثليه

لاحنت وفجرت عين ماها نابع

قـلبك لـڨلبي وعـشقي نخاويه

نذوقك م مـراري بجاه السامع

لاڨـلتي عيب  الڨلب اغشيتيه

لاخـابر دنـيا واش  فـيها واقع

اسمك في ڨلبي انت انقشتيه

مـوسومو  بـدلال خاتمها طابع

نـسمع اسمها نـتقاشا منو نتيه

لاحـاسس بـجمرها فيه نكاوع

ربـي عـالم بحبك ماني خافيه

انا  بـحبك شـهيد نموت فـازع

باسين نصرالدين

.الجلفة.الجزائر