الشاعرمصطفى ابو زيد. و ... الحكاية ...

الحكاية

-------------كلمات إنسان موجوع.......

الحكاية ماهياش 

عطش وجوع

الحكاية عذاب وألم

وقلب صبح

 طول السنين موجوع..

قالوا الزمن

قولت لأماله الزمن

ده البشر ظلم البشر

وقلوب مليها الشر 

هى  خلاصة الكلام

و الحكاية والموضوع..

عجب العجب

خلص الأدب

والكدب بقى 

هو اللى مالى السوق

قابلت كتير

وشوفت كتير ولسه 

يامه هااشوف

راحوا الحبايب

ومن غيرهم عودى

بقى مكسور

وراحت معاههم بسمتى

ودنيتى صبحت فضا 

وكل شيء صبح عدم

بعد العمار

قلبى صبح زى الخراب

مهجور..

  وبنام وبصحى ع الألام

وفرشتى صبحت

مكان وخط سير للدموع..

وقصتى فى كل مكان بتتحكى

وبقيت أنا وظلم البشر 

أصل الحكاية

والموضوع....

حكاية/مصطفى ابوزيد..