الشاعرة صباح فوزي ( زهرة اللوتس) .. و .. ضيعت حبي بأيدي ...

 ضيّعت حبّي بإيدي… ما كنتش فاهمة إنّي لما أبعد شوية، كنت بهدم اللي بينّا طوبة ورا طوبة.

كنت فاكرة إن الكبرياء هيحميني، بس هو اللي خلاني أخسرك.

دلوقتي كل حاجة فاضية، حتى الضحكة اللي كنت بضحكها بقت موجوعة.

كل الأماكن بتحكي عنك، وكل لحظة بتفكرني إني كنت ممكن أختار غير البُعد…

بس خلاص، فات الأوان، والحب اللي كان بيملاني، بقى وجع ساكن في قلبي.

لو الزمن يرجع، كنت هقولك إني محتاجاك، كنت هسيب الكلام الجارح وأختارك ألف مرة.

بس ما بيرجعش الزمن… وبيفضل الندم، رفيق الأيام اللي من غيرك مالهاش طعم

@الجميع بقلمي صباح فوزى 🌹