حسرة بصدري للشاعر سيد محسن الموسوي

 ‏(( حسره بصدري ))

‏اتعدّي اسنين.......اتمّر إشهور

‏ودهـري....................... ايدور

‏حسره ابصدري

‏لا مرتاح............. ولا مسرور

‏حبي وتعبي انباگ بغفله

‏لامن بسمه ولا من فرحه

‏لا من عيد........الكل محظور

‏ربعي اتصبّر واتواسيني

‏إحبس دمعك

‏بطـّل نوحك..........ما معذور

‏واهن صرت وكلي آلآم

‏علاجي امعسّر

‏وگلبي أيوّن.....وظل مهجور

‏ودنيا الجارت تلعب بيّه

‏مرّه اتجرني

‏واخرى اتفرني........فرّ ناعور

‏أخذت حيلي

‏وسِلبت عگلي

‏امدوهن اصرخ....نِص طابور

‏ابيا شرع اينوح العاشگ

‏ويا هو الأفته

‏ابيا فقره............ويا دستور

‏والدستور الما بي حب

‏جاير ظالم

‏ما يراد.............ايظل مبتور

‏آنه اتألم ذبحوا حلمي

‏وأصفت روحي

‏حطب أمولّم............. للتنور

‏هِمت ابعلتـّي

‏اهتف حيل بصوتي العالي

‏عاگول ابِعّز........عندي إزهور

‏ولّ يالشامت ابعد عني

‏طبعك مٌظلم

‏ما يوم اتحب.......گمره ونور

‏ولفي الخاين..صار أبجنبك

‏الف امبارك...بيه اتهنه

‏شامت مِكره........ وي مغرور

‏دمي اليسري..مثل النار

‏ چذب اليبرد

‏بكل احشاي.....ودومه ايفور

‏د. سيد محسن الموسوي