طبيب الهوى للشاعرة صباح فوزي ( زهرة اللوتس)

 طبيب الهَوى 

يا طبيب الهَوى… قرب مني واسمع حكايتي،

دا قلبي من سنين محتار بين الصبر والوجع،

يحاول يقف على رجليه كل مرة،

بس الريح أقوى… والوجع أسبق.

جيت أنت…

موش بدواء، ولا بوعد كبير،

لكن بنظرة فيها طبطبة،

وكلمة هادية تقول لروحي: “هترتاحي… حتى لو تأخّر الفرج.”

يا طبيب الهَوى…

أنا مش طالبة معجزة،

أنا طالبة حد يشيل معايا التعب،

حد يلمّ كسور مش باينة،

ويقول لقلبي: “قوم… لسه فيك نبض ما انكسرش.”

لقيتك بتعرف توصل للمكان اللي محدش وصله،

بتفهم خوفي من غير ما أتكلم،

وبتعرف تهدي رعشة الوجع

بقرب… وبسكات… وببسمة تشبه الدفى.

يا طبيب الهَوى…

يمكن ما يكونش في إيدك شفاء،

بس وجودك بيدّي للقلب فرصة يعيش،

ويخلّي الليل أهون،

والوجع أهدى…

والروح تهمس لنفسها: “لسه في أمل.”

بقلمي صباح فوزي 🌹🌹🌹