ليه يازمن .... للشاعر فؤاد عبدالقادر حسين

 ليه يازمن....ااا

ليه يازمن على الغلابه ...

قاسي .....

عمال اصرخ بالوجع 

من صميم راسي ....

والدنيا صخرة بعافر فيها

 لما اتكسر فاسي....

عيشتي دوامة وخداني

 ف خشمها وع البر

 مش راسي.......

والغلا غول بينهش لحمي

 وكاتم علي صدري 

وانفاسي.....

ولا قادر اشتري توب

 يسترني يكون بمقاسي 

رجليا اتشققت م المشي 

لما الحفا مداسي...

وفرشتي الأرض

 ودراعي مخدتي 

أسند عليه راسي.

وانكتب علي الغلبان 

يعيش حياته ف مآسي

 عمري ما كنت ف يوم

 واعظ ولا سياسي

 ولا ليا صوت مسموع

 بمنصب عالي وكراسي

 أنا الغلبان بكتب وجعي

 بقلمي ف كراسي....

بقلم....فؤاد عبدالقادر حسين