حبيبى وعارف همى هو همك للشاعر محمد عبدالمقصود داود

 حبيبى  وعارف همى هو همك

  حبيبى

وعارف همى كان همك

وحلمى كان حلمك

 

ويوم ما قسمنا قلبينا

نسينا نحط اسامينا

لاانا عارف ازاى تا هت خطاوينا

ولا عارف عنوان كان لينا

ما عاد لى غير اشعار بلا معنى

لانك كنت الشكل والمعنى

كرهت حروفى وظروفى

وحتى نجوم اللى كات معنا

بزق الباب على معنى

اشوفه تايهه

وصعب تانى يجمعنا

اغنى وحدى للقمرة

وادعى يارب تسمعنا

ما تيجى نقول كفاية بعاد

كفاية عناد

ونتقابل ولو صدفة

نرجع حلمنا يرفص كما رجفة

كأنه ميلاد

لنبض جديد او لهفة

كأن الشمس غابت وعارفة ميعاد ها ومصطفة

نقيس مسافتنا من احلامنا

والحب راح واهو وعاد

انا قصدى نكسر كل حواجزنا

ونتنفس بحب وزاد

نشوف حكايتنا بروح اولاد

نشوف نفسينا اللى ضاعت

تعالى نعيد ولو ثانية

ونلمح بكرة اللى نايم تحت ضليلة

ونفسه يشوفنا فى احلى ليلة

ومستنى ميعاد

تعالى يا اخر غنوة من فايزة

يا احلى قصيدة لنزار

يا كل حاجة حبيتها

يا احلى نهار

يا وطنى اللى غربنى ورجعنى

اتنفس تانى غنا واشعار

محمد عبدالمقصود داود