مُشتاق... للشاعر سمير منصور

 مُشتاق...

مُشتاق ياأجمل شمس

بتنوّر خدود الورد

مٌشتاق وشوقي مالو حَدّ

مُشتاق لصوتك ولكلامك

مُشتاق لهمسك وابتسامك

نفسي اشبَع من عنيكي

عايز اسعِد روحي بيكي

عايز احضُن كل نسمه

تمُرّ وتهفهف عليكي

ياابتسامة قلب بكّاه الفراق

قلبي داب من حُرقة الأشواق

لو سألتي دمع عيني

راح يقول مُشتاق

نُطقي وسمعي

ضحكي وفرحي

عقلي وجوارحي

حتي ملامحي

كلهم لجمال عنيكي مُشتاقين

واقولك اَيه مانتي عارفه

ان انا دايب في حُبك

من سنين....

                   سمير منصور