ياشي ياشي للشاعر حليم محمود أبو العيلة

 ياشي ياشي

جدر وكان  ثابت ف الأرض

لكن  غره  سحر  الشواشـي

اتخطف عقله و  فجأة خف

واتعمـىٰ  وهـوا  ميدراشـي

ف الزحمة  ماشي  مذهول

لا هامه هريدي  ولا غُباشي

اشتري المترو ب اللي معاه

وانضحك  عليه  ميجراشي

وتاه  فكره  وسِكر  م  فاق

فاته   وراح  لسه  مجاشـي

وحلمه عدىٰ  حدود تفكيره

وعقله  سابه  وراح  ماشـي

جايب  معاه  غداه  وعشاه

واتغـدا  ونام  م  تعشاشـي

وبرج حمامه إللي ف راسه

هـد  الـبنانـي  ومتوصاشي

مخاصم  الدنيا  ووحدانـي

فاتن  على  روحه  وفاشـي

وماشي  يتباهىٰ  ويتفاخـر

أه  منه  كمـان  يا  خراشـي

ومتـزوق  علـىٰ  سنـجة  ١٠

وعمره  عايـش  ف  تلاشي

فزورة وصاحب العقل يميز

حلها  سـهل  وياشي  ياشي

                  كلماتي:

الشاعر: حليم محمود أبو العيلة 

مصر