كان نفسي للشاعر جاد جمعه الحميدي

 كان نفسي

بقلم /جاد جمعه الحميدي 

كان نفسي اكمل في اللي بدية معاه

عيشني حياه  وبيوم اتمنيت انساه

سبت الدنيا عشانوا  لاقيتوا اكبر كدبه في الأيام

نايمه عيوني وتصحى  اشوفوا كابوس كل الاحلام

كنت اسيرك لحن لطيرك لما يغني اشتاق ياغرام

لايقه عليك الكدبه امشي خلاص ويالله سلام

سبني بحالي لدمعي اسهر متقلش تاني كلام

جرحك مؤلم اهرب  وابعد  كل ده كان افلام 

والذكري الحلوه مبينا سهرانه  حلفت ماتنام

مسكت ورقه حلفت تكتب تعتب جف معاها حبر الاقلام

زرعت فله في بستان ليلها روتها  بدمع عينها

مات عبيرها قلعت جذورها جرحت ايدها

بعد دا كله تقلي تعال امشى كفايه راح فين الحنان

بحر غرامك دايما غادر ملهش وملهش امان

جوا عيوني كامنه دموعي سهران جوايا صراع 

ومن سحر  عيونك شهد شربته وعشته ندم وخداع

اشتقت  لهمسك وايدي تلامسك والله حرام

غريبه الدنيا شاريك بعمري واتاري حلمي اسهر ما انام