ليلة رمضانية..... للشاعر محمد حديش

 ♧زجل♧

ليلة رمضانية

~~~~~~~

فْ لــــــيلَــــة رَمْــــــضانِيَة زَمَّــــــمْ

الــــــقْلَمْ مَــــــنْ الــــــكْلامْ صْــروفْ

جَــــــدْباتْ وَقْــــــفَتْ الــــصْيامْ فْ

الگــــــايْلَة مْــــــطَنْطْنا الــــحْروفْ

ؤُســــــالَتْ مَــــــنْ ريــــــقْ النْهـــارْ

شَــــــلاَّ هَــــــمْ مْــــــتَقَّلْ مَـــكْفوفْ

يْــــــنَشَّفْ الــــــعْرَگ المْگَطَّرْ دْميـرْ

المْــــــشَعْبَقْ فْ الصْبَــــــرْ المَلْفوفْ

ؤُالْــــــوَقْتْ گَــــــدَّمْ زْحــامْ مْعَصَّدْ 

كــــــُلْها عــــــافَطْ بْــــــحَدْ الشُّوفْ    

فْوَسْــــــطْ الشَّــــطْنَة مْطارَقْ تَنْزَلْ

تْــــــدَگْ اللَّهْـــفَة المْقَرْشْلَة الصُّوفْ

ؤُالْفَــــــلْسْ شْــــــعاهْ عْــــمَى بْنادَمْ

تَــــــلَّفْ گـــــانَتْ راسْ الـــمَشْحوفْ

ؤُوَسْــــــطْ الصَّـــعْـرَة وَدَّنْ الْـــعَصْرْ 

مْـــــفَرَّحْ النْفــوسْ الهازَّا الــــكْفوفْ

تَــــــمَّ فـــــاقَتْ الـــكَرْشْ المْغَرْغْرَة 

بْجُــــــوعْ الصْــــيامْ تْـــگادْ الرْفوفْ

واشْ حَــــــسْ الـــشَّابَــــعْ المْگَرْگَعْ  

بَالــحَفْيانْ ضــــر النَّاشَفْ المَكْروفْ

وَلاَّ هُــــــوَ شْـــــهَرْ دايَـــزْ مَفْروضْ

والـــــفايْدَة مَنُّو ضَيَّعْها المَــــتْلوفْ

يــــــاريتْ كُــــــلْ واحَدْ يَـــعْـــرَفْ   

فــــــْضَلْ نْـــوارْ أَجْـــرو المَحْفوفْ

الـــنَّفْسْ الــــهايْمَة غْواتْها شْهَوْتْها 

 الغَلاَّبَة مْــجَرْجْرة بْنادَمْ المَلْهوفْ 

وَالــــــهْدِيَة مَرْشـومَة عَـزْ لْنــاسْها  

تْــــــلالي بَــــــعْطَرْ وَرْدْ مَــقْطوفْ

رَمْــــــضانْ الـكْريمْ عْطورو مَسْكْ 

نْــــسايَمْ تْــــــهَزْ مْوَگْضا المَكْروفْ

عْــــــطِيَة رْبَّـــانِيَة لَــــــعْبادو فازْ  

بِــــــها كُلْ مـــومَنْ مْأَصَّلْ سْموحْ

وَلْــــــفو مْحَبَّة مْجَدْرَة فْ الگَلْبْ

وْمْــــــجيتو ديــما شُوقْ مَلْهوفْ

الأَعْمـــارْ تَنْقَصْ وَالدَّايَمْ الرْقيبْ

رَمْـــــضانْ مْعَزْتو جْدَرْ موصوفْ

هــــــْلالْ الـخيرْ عْـريسْ الشْهورْ

صْيــــــامو تــــــاجْ يْعَزْ النْفوسْ

فــــــيهْ لِيلَة القَدْرْ مْــقامْها نورْ

مـــــن دركها فاز فضلها البحور

يا الــــــسَّابَحْ فْ مْــحَبَّة الدَّايَمْ

صَلِّي وْصــــومْ الــــرَّبْ المَعْبودْ

وَخْــــتَمْها بْالصَّلاة عْلى العَدْنان

طَــــهَ نْبينا الكْريمْ قَلْبَكْ يْصونْ

بقلم ذ محمد حديش

~~~~~~~~~~

15\رمضان\1443

شرح لبعض الكلمات الدارجة

زَمَّمْ أي : خَطًَ

الكايْلَة : الظهيرة الحارة

مطنطنا : ملهبة حرها

شلا : كثير

دمير : العمل الشاق

المشعبق : المعلق

معصد : مخلط

عافط : داس

كانت راس: وصط الرأس

المشحوف

: العطشان

المكركع : الغني

موكضا : موقظة

المكروف : المعسر