كتب الشاعر.د.هشام سليم لمنتدى المحيط نص بعنوان مسحراتي

 مسحراتي

ومش فلاتي

لافف حاراتي

كاتم آهاتي

بصوت جهوري

بمارس دوري

اصحي يانايم

ياناوي صايم

ف نومك عايم

نايم ليه ومش حاسس

بقيت النص بقيت خاسس

لا لاقي عيش ولا غموس

فين الفلوس

أسعارنا قطر داير يدوس

ذل النفوس

من الأسعار

الآيدة نار

واحتكار التجار

صوموا تصحوا

بلاش تلحّوا

بلاش نكحوا

من التراب

كفاية عذاب

صيامنا جُنة

وآمالنا حِنة

نعيم الجنة

بنستنّي

ونتهنّي

ف الدنيا مر

ما حد حر

اللف طاب لي

والدق علي طبلي

ناس كانوا قبلي

قالوا ف الأمثال

الصحة جوع

والممنوع

تحصل تخمة

لا رجول فراخ

ولا شمّة لحمة

إجباري كله يعمل رجيم

رمضاااااا

ان كرييييييم

د. هشام سليم

شاعر الحرافيش