عشرة السنين... للشاعر سامي محفوظ حنا

 عشرة السنين 

بقلم سامي محفوظ حنا 

باعوا عشرة السنين 

جرحوا قلوب الطيبين 

تغيروا بقوا ناس تانيين

اللي كنا فيهم متعشمين 

نبات في حضنهم مطمنين 

كنا فاكرينهم أمان 

لو غدرت بينا السنين 

غدروا بينا هجرونا 

استكثروا نفسهم علينا 

استخسروا الفرح فينا 

سكنوا الدمع عينينا 

وزرعوا القلب

 حزن وانين 

باعوا عشرة السنين 

نسوا العيش والملح 

نسونا طعم الفرح 

عيشونا كل يوم

 في جرح 

ياما دويناهم 

وهم مجروحين 

يا خسارة عشرة السنين 

كنا فاكرين معدنهم غالي 

دهب نقي وصافي 

اشتريناهم بالعمر الغالي 

وقلبنا ليهم كان صافي 

باعونا بالرخيص 

والثمن ما كانش وافي 

أصل ده طبع الخسيس 

يوعد كتير 

وبالوعد ما يوافي 

مهما قال آمين 

يا خسار

ة عشرة السنين

بقلم سامي محفوظ حنا