الغلباوي.... للأديب محمد محمود عبدالدايم
*** ( الغلباوى 14).
الغلباوى عامل فنان
غلباوى صاحى يصدعني
بيخبط فى حلل وازايز
وتقول اسكت مش عايز
أنا قلت احاول اهديه
اندهله واقعد اسليه
قلت... ياحبيبي بتخبط ليه
قال... يا جدو دى اغاني
قلت... الدوشه دى اغاني
قال... غناها دبشه ومرزبه
ومعاهم ملح وكمون قلت...مش عايز اسمع فى اغاني
ولا اسمع بهارات واسامي
المغنى له شروط وأصول
شوف شاعر زمان بيقول
....يا اهل المغني دمغنا وجعنا
شويه سكوت لله
وعشان نفهم سمعناه بيقول
....يامطرب الافراح غنى وسمعنا
على القانون والعود حبه اهات
على عينى يا ليلى على ترى لاللى
يعنى الغنوة ليها اصول
تكون مكتوبه بقلم مسؤول
ويلحنها بمقام معقول
يبقى المطرب مش مسطول
ساعتها هتسمع فن اصيل
قال... ياجدو نعمل ايه مفيش مسؤول
شفته اتكلم حتى مفيش حد
يقول لأ لمجرم بيغنى ومسطول
قلت ...صح وعندك حق
بس انت كمان مسؤول
اختار فن يكون معقول
سيبك من حماربيجعر
كرشه مدلل زى التور
وواحد تانى بنص لسان
وقردد بيطنط عريان
نسمع صوتهم ولا الغربان
لوتتكلم تلقى الجحش
مكتوب فى بطاقته فنان
قال.... عندك حق صحيح ياجدو
حبه صيع خلوا شبابنا جالها احباط
دكتور ومهندس مديون
وواحد خارج رد سجون
حسابه فى البنك 100مليون
قلت... اوعى تيأس بكرة ترجع
ترجع كلمه فن لناسها
الغل
أما دول بكرة تلاقي
الفن كناسها
قال... وعد ياجدو مش هسمع تاني
اى اغانى الايكون فنان مسؤول
ونتقابل بكرة
مع الغلباوى وجدو
مالك يوسف
وجدو. محمد محمود عبد الدايم
مرسلة بواسطة Rady Elska @ مارس 12, 2025
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية