ضلمة ونور ... للشاعر أشرف محمد السيد

 قصيدة 🎤

    🌑 ضلمة ونور 🌞

    💐عامية مصرية 💐

بقلمي ✒️ أشرف محمد السيد 

🌹🏵️🌹🏵️🌹🏵️🌹🏵️🌹

دنيا بسرعة تلف تدور 

و المغمور يصبح مشهور 

عجلة ودايرة وقرص وساقية 

حظ بيلعب ، فقري يغور

دنيا وفيها كبير و صغير 

حق وصدق وكدب و زور

واحد يجري و واحد يمشي 

والمفضوح بفلوس مستور 

واخد ياخد ، واحد يدى 

يدى خازوق جامد محشور 

كوسة وقرع ومحشي أونطة 

دنيا وفيها قرود و نمور 

ناس بتعيس وتموت باللحمة 

والغلبان مش لاقي فطور 

جاهل فاجر زاط ف الزحمة 

عالِم شارد تاه ف النور 

الخفافيش بتعيش ف الضلمة 

والغربان تحسبها صقور 

ياما قلوب منزوعة الرحمة 

ياما عقول مليانة شرور 

قالوا العيشة عليكوا عويصة 

و الطماع بالفقر يشور 

إرضي بضعفك وإكتم أحسن 

خليك عاقل ، زين و صبور 

جسمي ملبش ، عقلي محشش 

والأطراف بقى فيها ضمور 

طالع داخل ع البلكونه 

أنسي هموم وأعِد طيور 

أضحك وأبكي وأحلم وأحكي 

ساعة رزين وساعات مطيور 

يمكن حظي يطير ويعدي 

وابقي وزير واعيش مسرور 

قامت حاجة ف وِدني قالت لي 

إهمد يا إبني ، جابتلي فتور 

قلت لنفسي ، سيبك منها 

بعد العتمة هييجي النور

💐🏵️💐🏵️💐🏵️💐🏵️

بقلمي ✒️ 

            أشرف محمد السيد