حبي ليكي .... للشاعر هشام سليم

 حبي ليكي علّمك

حبي ليكي فهّمك

حبي ليكي زادك جمال

زادك دلال

بحبي ليكي 

تقدري علي المحال

بحبي ليكي تبقي قادرة

تكيدي عذال

حبي ليكي كبّرك

قدّرك

بقيتي القصة والموال

حبي ليكي فوق الخيال

حب عاشق

سهم الحب ف قلبي راشق

حبي ليكي خلاكي

تبقي ملاكي

تبقي أميرة

ملكة جمال ف كل سيرة

حبي ليكي نوّر وشك

حبي ليكي عمري ما اغشك

حبي ليكي صيّتك

حبي ليكي ظبّّطك

حبي ليكي خلي اسمك 

علي كل لسان

حبي ليكي بقي معني

 للإنسان

بيه ونسان

حبي ليكي كان صفا

كان دفا

كان وفا

كان بسيط بدون فلسفة

كان جناين الربيع

متخيلتش ييجي يوم 

عليه ويضيع

حبك شمس حبك قمر

حبك همس ف ليل السهر

حبك زقزقة عصفور

ف عز الضلمة هوه النور

حبك نسمة حبك بسمة

حبك شفايف مبتسمة

حبك صلاح 

بدون جراح

حبك براح

وانشراح

حبك وصية

لنفس عصيّة

بالتوبة

حبك معادلة محسوبة

حبك أكل

حب شرب

حلو بشكل

كله قرب

حبي ليكي بسمة وليد

ف ليلة عيد

حبي ليكي بالنسبالك

للغريق مَد إيد

حبي ليكي كان سفينة

عبرتي بيه أيام حزينة

حبي ليكي كانلك زينة

عاملة إيه قولي من غيره؟

حرمتي نفسك ليه من خيره؟

لسه عايشة ع الأطلال

راحت منك راحة البال

لسه مشتاقة لحنان

للأمان

مهو حبي ليكي كان إيمان

حبي ليكي كان للعشق منتهاه

حبي ليكي كان حياة

أصبح سكوت

من

غير حبي

ياحبيبتي 

دوقتي الموت

دوقتي الموت

د. هشام سليم

شاعر الحرافيش