قابلت ست ... للشاعر غريب حسن

 قابلت ست بتقرا الكف

كأنها شايفة فيلم بيدور ويلف

بعيونها اللي مليانه أسرار

مسكت إيدي

سكتت لحظه

وقالت

يا ابني مكتوبك واضح

ومتحدده الملامح

ونصيبك جاي

بس بعد صبر وبعد لهفه وبعد وجع مش قليل

بعد حرمان

سنين

ضحكت وقالت

إنت من الناس اللي قلبهم كبير

بس الحظ دايما بيتلكك وبيحب التنظير

يقرب ويتأخر ويرجع خطوه

بس في الآخر بييجي

سألتها

يعني يا خاله الجاي حلو؟

قالت

حلو بس لازم تتعب له

وتصدق إنك تستاهله

وما تستعجلش الفرح

الفرح لو استعجلته بيهرب

لفت وشها

كأنها خلاص قرت اللي كان واللي هيقابلني

وقالت

اللي بتحبه 

يا ولدي هييجي

بس لما تكون جاهز تحافظ عليه

مش قبل كده

مشيت

وسابتني ماسك كفي

مش عارف أصدقها

ولا أقعد أندب حظي

ما طول عمري مايل بختي

 

يا خاله أنتي فين

عايز أقولك حاجه

حصلت بعد سنين

صدقت وآمنت بكل حرف

ر

جعت تاني نور الكلمه والحرف

وبعتت مرسال

من كلمه في

ظرف

وهي كلمه يا خاله

جميله وما لهاش

وصف

#الشاعرغريب_حسن