فات الميعاد.... الشاعر هشام سليم

 فات المعاد

والعناد

خلّي غرورك ينفعك

أنا الغلطان

والشيطان

وسوسلي إني أدلعك

وبصدق حبي أمتّعك

وأفضل معك

أطبطب عليك واسمعك

مكنتش أقدر أمنعك

لأني حبيت وبضمير

وبكل خير

بس قلبك بطبعه ندل

معرفش عدل

ناكر فضل

فضل قلبي

نبض حبي

اجني الثمار

جرّب نار الانتظار

حررت قلبي

من استعمار

كان قلبي حمار

شال حمولك

زوّدغرورك

وخلص دورك

بقيتلي ذكري

انسي الماضي

وارسم لبكرة

آه علي فكرة

أنا مش شايفك

مبقتش عارفك

بقيت مفيش

طير بلا ريش

شباك بلا شيش

كرهك حتي

الحرافيش

والكره زاد

من العناد

فاكرني ناسيني

 ميهمنيش

ميهمنيش

د.هشام سليم

شاعر الحرافيش