الشاعر بقلم الشاعر نبيل فرحات

 الشاعر .

النسمات مروا فوق روس جبالنا

وقالوا عاليين  ماحدا بطالنا

قلتلهم انتوا وحبات الندى 

بتنزلوا تحلوا ضيوف عاموالنا

وانتوا يا أرق نسمات الصباح

فيكم وبعطر الورد منقشع حالنا

نحن الشعار جبنا البلبل الصداح

عالبيدر ينقود حبوب من أغلالنا

ونحن جمعنا كل حب الماس

وعملناها نقط عاحرف أشعارنا

ونحن بنينا صرح لكل الناس

من ثقافة وأدب جمعنا حجارنا

زينا الصرح بورود وتاتربى بدلال

سقيناها رحيق من جنى أفكارنا

وسلمنا مفتاح الصرح للعقال

حتى يكون الأرث لأجيالنا.

بقلمي نبيل فرحات.