الشاعرعلي عبد الأمير العامري .. و من يوم الوعيتي

 من يوم الوعيتي 

ـــــــــــــــــــــــــــــــــــــــــــــــــ

مـن يـوم الوعـيتي و هـذا حـالــج ... افراشـج كاع ولحافج كراتين

رغم كبر الوطن ماعدهـــه ملجئ ... الماعـنده وطـن مالـه عـناويـن

على مـد الرصيـف تـخـاوت وياه ... تعبهه اختام بوجــوه الحياطين

بـيـن اجـلاب امــنـتي و غـفيــتـي ... احن عليج من اليحجي بالديـن

برجيف الخوف من باجر تحيرين ... وبنار الـدمـع خـبزج تـنكـعـيّن

ذل الـعـوز مرســـــوم بوجـهـــــه ... و عز الروح داخلهه سـجاجين

حـيـلـج راح مـن الآه نـامـــــــــي ... بلجـي بـحال مـتغيـر تـحلـمـيّـن

هـي و الـمثـلهــه مـالهــــه اكـبـور ... مـن يـوم الاجــو لليـوم مـيتيّـن

ويـن اصواتكم يـحقـوق لنســــــان ... عنّج ويـن وعاظ الســـــلاطين

حـكّـج ذمــة بركـاب الـيـحكـمـون ... على ياشـــــارب البيهم تعتبين

مـا احـتاج مـهـمـا مـا يـمـلكـــــون ... مسـتوريـن بـوجود الـكراتـيّن

رغـم البينـه عندنـــــه المايملـكـوه ... ولدنـه الضحوا بسوح الميادين

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

علي عبد الأمير العامري