مات مات للشاعر محمد مصطفى
مات مات
وانتهت كل حكاياتو
فات فات
كل شئ حلو في حياتو
راح ومش راجع
قلبي بمواجع
مات خلاص زي اللي ماتو
ماهو كان زمان عايش وكان
دايب حنان في حبـيـبو
والحب هان وحبـيـبو خان
وفاتلو جرحو وتعـذيـبو
كان ليا حب وليا قلب
وانا كنت عايش وسطهم
الحب خان والقلب مات
وانا اللي شايل ذنبهم
عايش وحيد فكري شريد
ناري تـقـيد من بعدهم
راح ومش راجع
قلبي بمواجع
مات خلاص زي اللي ماتو
وازاي اعيش قلب مافيش
وحبـيـب ماليش من يوم ما راحو
حبـيـبي خان وانا قلبي مات
من كـتر ما بتنزف جراحو
الاتنين سوي ضاعو في الهوي
وفين الدوي .... اللي يداويني
واحد فارقني خانني وهجرني
والتاني مات ودّع سنيني
راح ومش راجع
قلبي بمواجع
مات خلاص زي اللي ماتو
مات مات
وانتهت كل حكاياتو
فات فات
كل شئ حلو في حياتو
كلمات الشاعر الغنائي / محمد مصطفي
مرسلة بواسطة سهام ماجد @ ديسمبر 22, 2025
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية