على حافة الليل للشاعرة الهام شحاتة سالم

 على حافة الليل

شعر

الهام شحاتة سالم

*-*-*-*-*-*-*-*-*-*

الصبر شئ مش محتمل

مابقتش اصبر على العذاب

وأنا قلبى داب

مثل حيه تراب

وانت اللى شايف دنيتى

الريح يبعتر فى الهوى

!! ـ وايش جاب لجاب

قررت اموت

واكتب نهايه قصتى

بحبر السكوت

العنكبوت عشش على سقف الهوى

.. والقصه ضاعت وابتدى

قلبى اللى دايب

من غباوة فرحتى

ينسج خيوط كفنى الوحيد

بس الأكيد

لحظه شروق الشمس

تنزل ع الكتاف 

كل الخيوط

وتشد قلبى من جديد

ينبض بدقات الهوى

ويعيش سعيد

والمدنه بتصيح بالأدان

ولا أى ديك

وكنسيه العدرا

فى قلب الليل

تدق على الجرس

وأهين ..... عاديك

وقف الهلال جنب الصليب

على حافة الليل الطويل

وانا فى المشانق

كلها متعلقة

محتاجه للفجر الجديد

دقات فؤادى

بتعزف اللحن النهائى 

للبد يات الامل

وف لحظه التنفيذ

ســقـطــت

ولفظت اخر كلمتين

أنا قلتهم

مشتاق لحبك 

من جديد

! ؟

*-*-*-*-*-*-*-*-*-

على حافة الليل 

شعر

الهام شحاتة سالم

****************