مين أنا للشاعر صابر الشناوي

 *** مين أنا ***

 للشاعر / صابر الشناوي 

أنا ....

حروف سكنت جوا 

بيوت الشعر المقفوله 

علي  وجع  القلب

وبداري الضحكه المكسوره 

في عيون  الصبر 

وان أنا  واد  صلب

ويرسم في خيالي 

متين صوره لجمال الحب

 المتعلق  بعيون  القلب

لكن أعمل  إيه وانا 

واخد دايما عالصدق 

ولا بعرف ألف ولا أداره 

ورا شيء  مش  فيا 

ولا برسم صوره ماهش ليه

ولا ألفلف قلبي ومشاعري 

في كيس نايلون 

وأقدمها هديه

أصبحت أعاني وألوم 

نفسي علي صدق النيه 

أو صدق مشاعري وأحاسيسي

في حروف الصبر المداري

 في  بيوت  الشعر 

المقفوله علي وجع القلب