ما تبقي جافي... للشاعر حاتم خالد

 ما تبقي جافي...

فى جفاك العوازل لاموني

انا ما جفيتك 

انت كيف تجفاني

ما انت نور عيوني

من ما اصطفيتك

وبيك زاد جنوني

وفي قلبي احتويتك

وحبك احتواني

في بعادك كم وكم بعاني

زال عناي يوم لقيتك

وكتبت بيك عنواني

صرت عاشق عيونك

وسهامها كاتلاني

انا ياني البريدك

وغيرك مافي تاني

بحبك واكتفيتك

لي اخر زماني

سر عيونك

لما تشرق

تهيج جواي لهفة

وشوقا لي يحرق

غرقان في بحورك

للنهايه للنهايه للنهاية

حاتم خالد ود اللواء