رعيان الزمن للشاعر السيف حبيب العراقي

رعيان الزمن 

آااااه منك زمن اه اه اه اه

من كثر ما نحچي تعب الحچي

ومن كثر ما نصبر ذبل الصبر

وطنّا ضايع بين الطمع والكرسي

والمسكين دايم يدفع الجبر

ما دام رعيان الزمن صارو شيوخ

خلّي شيوخ اليوم ترعى هملها

ضاع الحق بين الكراسي والجوخ

والفقرا غرقت وما حد ن نشلها 

الحكم صاير بس حچي

والوعد مكتوب وما ينقري

يضحكون بوجه هالشعب

ومن وراه الطعن يجري

آه يا بلد شسويت بينا

ضيّعت أعمار الفقارى

نحلم نعيش بستر وعدل

والقهر صاير هو الإدارة

العيشة غلت والجيب فاضي

والشغل واقف عالباب

الشاب يفكّر بالهجرة

والأم تبچي من العتاب

القانون ويا القوي يمشي

والضعيف حقه يضيع

اللي عنده واسطة يعيش

والباقي همه وجيع

آه يا بلد شسويت بينا

ضيّعت أعمار الفقارى

نحلم نعيش بستر وعدل

والقهر صاير هو الإدارة

السياسة صارت تجارة

والكرسي أغلى من البشر

يتقاتلون عالمنصب

واحنا نموت من القهر

الإعلام صوته عالي

بس ما يحچي غير المطلوب

يغطي الشمس بالكذب

ويجمّل وجه العيوب

الصبر طوّل وملّ منّا

والوجع كبر بين الضلوع

كل يوم نسمع نفس السالفة

وباجر غير اليوم ماكو رجوع

الكرسي صاير حلم أعمار

والناس تنباع بسعر رخيص

اللي يحچي كلمة صدگ

ينحسب عدو ومشخّص

المال حاكم كل شي

والضمير صار ذكرى

باعوا الوطن قطعة قطعة

واحنا نحسبها سترة

الطفل يكبر قبل أوانه

من كثر ما شاف قهر

يسأل ليش الدنيا هيچ

وما يگدر أحد يفسّر

المدرسة صارت همّ

والعلم ضايع بالطريق

والشهادة بدون ظهر

مثل سيف مكسور عتيق

الشيب جان بالراس وقار

هسه صار من التفكير

ليل بلا نوم ولا حلم

ونهار كله تكدير

الليل يطوّل والهم أثقل

والصبح يطلع بلا فرح

نعدّ أيامنا عدّ

ونحسب العمر عالجرح

البيوت مليانة سكوت

والحچي مخنوق بالصدور

كل واحد خايف يحچي

لا ينحسب ضدّ الأمور

الخبز محسوب بالحبة

والماي يندار بالحساب

واللي سرق خير البلاد

عايش بعزّ وارتياح

العامل يرجع مكسور

والتعب مكتوب بوجهه

يشيل همّ العائلة وحده

وما يلقى غير الوجعه

البنات تكبر بالحسرة

والحلم ينكسر بدري

تتمنى ستر وراحة

بس الواقع دايم يجري

الشباب تضيع بأرصفة

تدوّر فرصة أمل

باب ورا باب ينغلق

والصبر يوصل للملل

الكرامة صارت كلمة

تنحچي بس بالأغاني

بالواقع نعيش بذل

والقهر سيد الميادين

بس رغم كل هالوجع

يبقى القلب ما ينطفي

وإذا يوم نهض الصوت

احق يرجع ويتصفي

السيف حبيب العراقي