الساقية للشاعر محمد الشربيني

 الساقية

الدنيا ساقية

بتلف بينا

ولا حد ماسك الدفة

ولا حد شايف الطريق

بنجرّي جوهها

بعطش واحد

وكل واحد

فاكر نفسه فايق

واللي ييجي عليه الدور

ما بيسألش ليه

ولا يستنى امتى

بينطفي فجأة

وفجاة

حتة قماش

وشوية تراب

الارض تاخده

كأنه

ولا مر فيها

هي مش عادلة

ومش ظالمة

هي بس

مش فارقة

تعدي

تدوس على اللي واقف

من غير ما تلتفت

اللي غاب

ما خسرش

واللي كمل

ما كسبش

احنا مش عايشين

احنا .. ماضى 

ولا مؤجلين النهاية

واقفين في صف طويل

هادي

من غير صوت

مستنيين الدور

ومن يوم ما اتولدنا

واحنا بنمثل

ان مش هييحى الدور

بس الحقيقة

ان الصف  ماشي 

واحنا  بنقرب 

          محمد الشربيني