اللي جرح روحي للشاعر محمد مصطفى

 اللي جرح روحي

دا كان في يوم روحي

خلاني ادوق آهات

من حيرتي وجروحي

اللي تعب قلبي

ولا كان في يوم جنبي

وليالي وحدي ابات

بدموعي واخبي

اللي خدع عيني

زاد ناري وأنيني

ما سألشي فيا وفات

ناري بتكويني 

احترت انا وعقلي

كان نفسي يشتاقلي

او حتى يعدي يوم

من جنبي يندهلي

اتاريني يا عين موهوم

من حبه يا ناس محروم

وبيتهيألي ساعات

هيعود ويقول مظلوم

يا هل ترى اسامح

لو جاني بملامح

فيها كتير إشارات

ندمان ونتصالح

ولّا اسيبه خلاص

وادوس عليه كما داس

ومرة من المرات

يدوق نفس الاحساس

كلمات الشاعر الغنائي / 

محمد مصطفى