نبش القبور..... راضي السقا

 @ نبش القبور @ 

يا فاتح القبر ليه عايز ترجع بالزمن ورا

 مات اللي مات وقفلنا الدفاتر أيه جرا 

نرجع بالزمن وذكريات راحت في الهوا

أيه ينوبنا غير وجع الرأس ليه بس كدا 

ربنا خلقنا أنواع مع الذنب خلق المغفرة 

الحساب على اللي فات أجندة ومفكرة 

مكتوب فيها رب العباد يحاسبنا مسطرة 

مهما كانت ذنوبنا أيه ووصلت أي مرحلة 

نتعلق في رحمة ربنا يسامحنا على ذنبنا 

يقبلنا معاه أصل هوه في الأصل سيدنا

وإحنا العباد على بعض تاهت منا رحمتنا 

نعاندبعض نرجع ماضي في الأصل ذكري 

ننحر في بعض نقتل بعض أه بأقل كلمة 

وننبش في القبورعشان نرجع بالزمن ورا

 

راضي السقا