وفي قلبي رسمت الشارع .... للشاعر غريب حسن

 وفي قلبي رسمت الشارع

جـــواه طــــــريق امشيه

كان بارد مـن غير مشاعر

طـــــــويل محتار انا فيه

اللي واقف واللي قاعد واللي عابر

خـــــلق كتير من هنا لهناك بتعديه

وكانت واقفه مستنيه

صبيه جـــميله حوريه

ندهت وقالت

تعالى جنبي وخد ب ايديه

نكمل طريقنا سوا نشقه ونعافر

تهون عليك رحلتك وأوعى تـكابر

خلاص انا ليك وانت ليه

تحميني واضلل عليك وناخد من زمنا ساتر

يا صبيه خليني لحالي انا طريقي طويل وواعر

ابدا همشي معاك سكتك رفيقه لخطوتك

اسكن حلمك واداوي جرحك

وكل غناك يبقى ليا لوحدي يا شاعر

خلص طريقي ولقيت حبيبي 

خبيته في قلبي

سكنته حــــلمي

وقولت يـا دنيا

ارتحت من همي

شاله عني

غزال معايا بيغني

#غريب_حسن